Mesfushori shqiptar, Lindon Selahi pritet që karrierën ta vazhdoj në futbollin italian apo atë anglez, kanë bërë të ditur mediumet kroate të premten.
Bëhet e ditur se nga Italia, Selahi po kërkohet nga skuadra e Serie A, Venezia kurse në Angli ka tërhequr interesimin e ekipeve nga Premier League dhe Championshipi.
Selahi është pjesë e ekipit nga Kroacia, Rijeka dhe pritet të largohet në janar për shkak se kontrata i skadon në fund të sezonit.
Te Rijeka janë të gatshëm ta shesin Selahin, i cili ka refuzuar rinovimin e kontratës dhe klubi kroat dëshiron ta shesë në janar, në mënyrë që në verë të mos largohet si lojtar i lirë.
Selahi 25-vjeçar këtë sezon ka 1 gol në 13 paraqitje në kampionatin e Kroacisë, ndërsa pjesë e skuadrës së Rijekës është prej vitit 2021.
Ai gjatë karrierës ka luajtur edhe në Holandë e Belgjikë, ndërsa ka edhe katër paraqitje me Kombëtaren e Shqipërisë.
