Mbrojtësi Victor Lindelof do të mbetet pjesë e Manchester Unitedit edhe pas përfundimit të këtij sezoni. Suedezi ka arritur marrëveshje për ta rinovuar kontratën që i skadon vitin e ardhshëm me klubin anglez.
Me rinovimin e kontratës, që do të zyrtarizohet këtë muaj, Lindelof do të jetë pjesë e Unitedit deri në verën e vitit 2025 dhe do ta ketë opsionin e rinovimit edhe për një vit tjetër.
Këtë sezon, Lindelof po ka hapësirë të mjaftueshme në ekip dhe po vlerësohet lart nga trajneri Erik ten Hag. Në të gjitha garat deri më tani, 29-vjeçari ka regjistruar 10 paraqitje për Unitedin dhe kjo ka bërë që klubi të reagojë për t’ia rinovuar kontratën. Ai është pjesë e Unitedit prej vitit 2017 kur iu bashkua nga Benfica.