Lëvizja Vetëvendosje ka shprehur vullnet për të bashkëpunuar me Nismën Socialdemokrate.
Madje kryetari i VV-së, Albin Kurti e ai i NISMA-së, Fatmir Limaj kanë zhvilluar takime që të arrihet një marrëveshje mes tyre.
Por Limajn, si partner siç e sheh Kurti, nuk e shohin Shtetet e Bashkuara të Amerikës.
Kjo pasi që i pari i Nisma-s vazhdon të jetë në listën e zezë të SHBA-së, e cila u rifreskua me 22 korrik të këtij viti.
Por a mund të pengoj figurimi në listë të zezë, marrjen e një pozitë udhëheqëse në vend.
“Të qenurit pjesë e listës së zezë të SHBA-së nuk përbën pengesë ligjore dhe procedurale, për këdo nga deputetet ose personat e caktuar te cilët janë jashtë Kuvendi që të marrin poste publike, ekzekutive, qeveritare. Kjo listë është më shumë është listë politike, e personave të padëshiruar nga SHBA, që në vend të caktuara apo në vendet që SHBA kanë influencë dhe partneritet”, ka thënë Asdren Bytyqi, jurist.
Kurse nga Instituti i Kosovës për Drejtësi, kërkojnë që këto çështje të rregullohen para formimit të Qeverisë në mënyrë që një gjë e tillë të mos i paraqet problem vendit në raportet me SHBA-në.
“Por në anën tjetër ne kemi parë në të kaluar që ka pasur zyrtar të lartë publik, që kanë qenë deputet, apo kanë pasur pozita, dhe përkundër që kanë qenë në listë të zezë. Por sidoqoftë, për Kosovën besoj për një qeverisje me integritet do të duhej që këto gjëra të sqaroheshin paraprakisht ne mënyrë që të mos kemi zyrtar publik të cilët marrin pozita e të cilët do të mund të pengoni bashkëpunimin me SHBA-në që unë besoj që është e jetik për Republikën e Kosovës”, ka thënë Miftaraj.
Megjithatë, ka disa metoda që një person mund të largohet nga kjo listë.
“Janë dy mënyra, e para është që kjo të sfidohet nga një gjykatë dhe mënyra e dytë është që personi i cili është në listë është që të jap një konfirmim një zotim, se nuk do të kryejë, apo do të bëjë veprim të cilat e kanë ndikuar që të hyjë në listën e zezë të SHBA-ve”, është shprehur tutje Miftaraj.
Për këtë çështje televizioni ka tentuar të marrë një qëndrim nga Nisma Socialdemokrate dhe nga Vetëvendosje, porse të dyja nuk kanë qenë të qasshme.
Ndërkohë, deputetja e NISMËS, Xhevahire Izmaku pati thënë që Limaj nuk është i kategorizuar në atë formë në listë të zezë që ti pamundësohet marrja e një pozite udhëheqëse.
Personat të cilët ndodhën në listën e zezë iu ndalohet hyrja në Shtetet e Bashkuara, u ngrihen pronat që i kanë në Shtetet e Bashkuara, ose që janë në pronësi të shtetasve amerikanë dhe u ndalohet puna dhe kryerja e transaksioneve me shtetas amerikanë.
