Kryetari i Partisë Socialdemokrate të Kosovës, Fatmir Limaj ka bërë të ditur se ka zhvilluar një takim me kryetarin e Lidhjes Demokratike të Kosovës, Lumir Abdixhiku.
Limaj ka thënë se me Abdixhikun kanë pasur një ‘bisedë shteruese’ dhe se në shumë drejtime ndajnë të njëjtin këndvështrim.
“Po jemi takuar, kemi pasur takim shumë të mirë, kemi biseduar të gjitha temat. Kemi pasur një bisedë shteruese dhe ka qenë takim jashtëzakonisht i mirë… Në shumë drejtime kemi një këndvështrim të zhvillimeve dhe e rëndësishme që po ndodhin takime. Ne nuk mund t’i zgjidhim vetë problemet, por ne e shprehim gatishmërinë”, ka thënë Limaj para fillimit të seancës konstituive të Kuvendit.
