Kryetari i Nismës Socialdemokrate, Fatmir Limaj ka shprehur besimin se do të ketë takime tjera ku pasi ai i së shtunës i ftuar nga kryeministri në detyrë Albin Kurti përfundoi pa ndonjë rezultat.
Duke e vlerësuar si të rëndësishëm takimin e parë ai ka thënë se në takim ka shprehur qëndrimet e tij dhe ftesën që u ka bërë përfaqësuesve politikë për arritjen e një marrëveshje.
“Ftova të gjithë drejtuesit që të fokusohemi në marrëveshje që menjëherë zgjidh krizën. Shpresoj që të kemi takime tjera e që tema kryesore të jetë zgjidhja e çështjes”, tha Limaj para gazetarëve pas takimit.
Ai duke folur për aktgjykimin e Gjykatës Kushtetuese ka thënë se ajo ka vendosur për votimin e fshehtë, por që sipas tij as ndërrimi i votimit nuk e zgjidh problemin.
Limaj ka thënë se tejkalimi bëhet vetëm me krijimin e një shumice parlamentare.
“Gjykata ka vendosur për çështjen e votimit të fshehtë por kjo nuk e zgjidh krizën politike. Edhe mu ndryshu votimi nuk zgjidhet kriza politike sepse partia fituese nuk e ka shumicën parlamentare”, tha Limaj./teve1.info/
