Limaj thotë se tash e shumë vite po bëhet “hajgare” me Kosovën.
“Çështja e liberalizimit të vizave është banale, është fyerje, ofendim që i është bërë këtij populli. Tash e sa vite bëjnë hajgare me ne. Është ofendim, çka ka ndodh këtu. Sjellja ndaj nesh në raport me vizat, kjo është ofenduese, dhe këtu ka qenë dashur të jetë një reagim krejt tjetër”, tha ai në “Këndi i Debatit” në Tëvë 1.
Propozimi për liberalizimin e vizave për Kosovën, i cili parasheh lëvizjen e lirë jo më larg se data 1 janar e vitit 2024, u hoq nga agjenda e takimit të djeshëm të ambasadorëve të vendeve anëtare të BE-së.
Arsyet për këtë janë politike dhe lidhen me situatën në veri të Kosovës. Teksa nga presidenca çeke kanë bërë të ditur se diskutimi për këtë çështje do të mbahet më 30 nëntor. /Teve1.info/
