Futbollisti i Kombëtares së Kosovës, Edon Zhegrova duhet të presë edhe disa javë për t’u rikthyer në fushë nga lëndimi.
Zhegrova, u lëndua në mesin e muajit dhjetor dhe ende nuk është i gatshëm për lojë pasi gjasat janë të mëdha që të mungoj të paktën edhe për gjashtë javë tjera.
Raportohet se sulmuesi i krahut, tani ka lëndim të muskujve të pjesës së poshtme të barkut.
Zhegrova ndeshjen e fundit në kampionatin francez e ka zhvilluar kundër Marseillet në udhëtim. Ai ballafaqim, që i takoi xhiros së 15-të të elitës së futbollit francez, përfundoi 1:1 dhe u zhvillua më 14 dhjetor.
Nëse rikuperimi i sulmuesit 25-vjeçar zgjat gjashtë javë, ai pritet të kthehet në mesin e muajit mars dhe do të jetë i gatshëm edhe për duelet e plejofit të Ligës së Kombeve që Kosova i luan ndaj Islandës.
Zhegrova në sezonin aktual te Lille ka qenë prej lojtarëve kryesorë me tetë gola e dy asistime në 21 paraqitje
