Një ditë më parë, njoftoi se krah saj në rrugëtimin politik do të jetë Fahrije Hoti nga Krusha.
Por ish presidentja e Kosovës, Vjosa Osmani nuk po tregon se bashkë me Hotin në cilin subjekt politik do të jenë.
“Me Fahrije Hotin bashkë për qytetarët”, ka thënë Osmani.
Osmani nuk tregoi as se për cilën pozitë do të jetë në lista, si presidente apo kryeministre.
“Kurdo që kemi diçka për t’ju thënë do ju themi”, u shpreh tutje Osmani
Ajo nuk foli as për koalicionin e mundshëm me Lidhjen Demokratike të Kosovës.
Madje u pyet nga gazetarët se a kanë kërkuar katër emra në top 10shen e këtij subjekti.
“Nuk është mirë me spekulu, unë nuk kam kërku kurrë asnjë pozitë nga askush”, theksoj Osmani.
Ish komandantja supreme tha se në këtë rrugëtim do të jetë me qytetarët.
“Do të jem para qytetarëve, që deri sot në të gjithë angazhimin tim politik janë ata që më kanë dhënë forcën dhe tash e tutje do të jetë njësoj”, ka përfunduar Osmani.
Lidhja Demokratike e Kosovës i ka hapur dyert për rikthimin e Vjosa Osmanit brenda kësaj partie.
