Përmes një deklarate të përbashkët pas takimit, udhëheqësit u shprehën se “ai e ka vënë veten në anën e gabuar të historisë”.
“Ne dënojmë presidentin Putin për refuzimin e tij të vazhdueshëm për t’u përfshirë në një proces diplomatik, për të adresuar çështjet që kanë të bëjnë me sigurinë evropiane, pavarësisht ofertave tona të përsëritura”, thuhet në deklaratë.
Sipas tyje, ata mbeten të bashkuar me partnerët, duke përfshirë NATO-n e Bashkimin Evropian, dhe se janë “të vendosur të bëjnë atë që është e nevojshme për ruajtjen e integritetit e rendit ndërkombëtar”.
Ndërkaq, një zyrtar i Shtëpisë së Bardhë ka njoftuar se takimi mes këtyre liderëve ka përfunduar pas më shumë se një ore.
Pjesëmarrës në takim, sipas Shtëpisë së Bardhë, ishin presidenti Biden, kancelari Olaf Scholz, kryeministri kanadez Justin Trudeau, presidenti francez Emmanuel Macron, kryeministri italian, Mario Draghi, kryeministrja japoneze Kishida Fumio, kryeministri britanik Boris Johnson, presidentja e Komisionit Evropian Ursula von der Leyen, presidenti i Këshillit Evropian, Charles Michel dhe sekretari i Përgjithshëm i NATO-s Jens Stoltenberg./teve1.info/
