Gjatë këtij diskutimi gazetarët Gjeraqina Tuhina dhe Augustin Palokaj kanë prezantuar analizën mbi procesin e liberalizimit të vizave të titulluar derisa thanë se në rast të tensionimit të situatës në veri të vendit mund të ketë ndikim të shtet skeptike.
Tuhina me këtë rast tha se lufta në Ukrainë, agresioni rus si dhe plotësimi i kritereve kanë shtyrë përpara procesin e liberalizimit të vizave për Kosovën.
“Formulimi i cili përfshin zbatimin e liberalizimit e vizave me ETIAS-in plotësisht operacional, në rast zvarritjeve kosovarët e kanë 1 dhjetorin si afat të fundit kur do ta gëzojnë lirinë e lëvizjes. Tani kjo procedurë është në procedurë e heshtur, kemi edhe dy ditë deri të mërkurën deri në orën 14 që shtetet anëtarë ta miratoj këtë tekst. Nëse deri të mërkurën as një shtet nuk ka vërejtje teksti konsiderohet i miratuar”, tha ajo.
Gazetari Augustin Palokaj, tha se nuk beson që dialogu ka qenë pengesë për liberalizim të vizave.
Ai u shpreh se tani është koha e fundit e ankimit dhe vajtimit për mosliberalizim, ngase sipas tij, është koha e numërimit të ditëve kur do të ndodhë liberalizimi.
“Unë besoj që tash prej vajtimi dhe ankimit po hyjmë në një fazë të numërimit, numërimit të ditëve që do të liberalizohen vizat. Nuk besoj që liberalizimi ka qenë i lidhur me dialogun. Unë jam i bindur që demarkacioni nuk ka qenë farë i lidhur me liberalizim, por është përdorur. Këtë e pamë kur ndodhi demarkacioni dhe nuk ndodhi liberalizimi. Dialogu nuk ka ndikim por tensionet e dialogut mund të kenë ndikim tekë të huajt. Nëse kalon propozim i grupit punues atëherë kjo do të hyje në fuqi me 1 dhjetor të viti tjetër”, tha ai.
Kurse Jeta Tela, shefe e Kabinetit e ministrit të Punëve të Brendshme, tha se kjo ministri ka pasur bisedime të rregullta për çështjen e procesit të liberalizimit të vizave me shtete anëtare e sidomos me Francën.
Demush Shasha, drejtor ekzekutiv i Institutit të Kosovës për Politika Evropiane (EPIK), tha se pengesë e liberalizimit të vizave kanë qenë dialogu, konsensusi politik si dhe sundimi i ligjit.
