Pas vendimit për liberalizim të tregut të energjisë për bizneset me mbi 50 punëtorë, vetëm dy furnizues, një nga to KESCO, paraqitën ofertat e tyre për kompanitë kosovare.
E si shkak i pakënaqësive për ofertat e pakta, Korporata Energjetike e Kosovës përgatiti disa oferta so Furnizues i Fundit i Mundshëm.
Megjithatë, KEK-u bëri të ditur se mund të ofrojnë energji elektrike me çmimit më të ulët për bizneset, vetëm për 60 ditë.
Prej ditës kur u lëshua njoftimi, KEK-u njoftoi se shumë kompani u paraqitën për kontrata.
Megjithatë, KEK-u nuk i është përgjigjur televizionit gjatë ditës në lidhje me çmimin që do të zbatohet për bizneset.
Astrit Gashi, pronar i kompanisë “Melodia PX” thotë se kanë zgjedhur këtë të fundit për furnizim me energji, pasi dy furnizuesit tjerë kishin çmim të pa përballueshëm.
“Dhe kemi bërë një analizë të shkurt dhe siç e thashë më herët na u ka impoionuar se s’kemi arritë me bë kontratë me të tjerët. Nëse e vëren aty na i kemi plotësu komplet dokumentacionet që duhet dhe ua kemi dërgu përmes emailit që të procedojmë tutje me kontratën që mos me mbet pa energji elektrike.”, ka thënë Gashi.
Sipas tij vendimi për ngritjen e çmimit të energjisë dhe liberalizimit të tregut, ka ndikuar negativisht te bizneset.
“Se t’i ka ndërprerë të gjitha projeksionet, të gjitha mendimet që i ke pasë ose të stabilizimit ose të rritjes sepse jemi ka ballafaqohemi me bukur situata të vështira. Menjëherë sa filluam me marrë veten të gjitha bizneset në këtë rast edhe ne, prej daljes nga pandemia filloi menjëherë një inflacion me konfliktin që është ka ndodhë dhe luftës mes Ukrainës dhe Rusisë” , shtoj Gashi.
E nga Dhoma e Tregtisë dhe Industrisë thonë se në takim me KEK-un u është bërë e ditur se vetëm tri biznese kanë nënshkruar këtë lloj kontrate.
“Situata është jashtëzakonisht problematike, është e pasigurt, ka kriju shumë pasiguri tek vet bizneset sepse nuk po dijnë çka me bë, nuk kanë një adresë të duhur se ku mund të drejtohen për të gjetur një zgjidhje për këtë punë. Ne përkundër takimeve tri ose katër që i kemi pasur me kryeministrin dhe me ministrren e energjisë në këtë rast nuk kemi arritur asnjë dakordim” , ka thënë Ahmetin
Si shkak i pakënaqësive me vendimin për liberalizim të tregut të energjisë, bizneset do të protestojnë të mërkurën.
