Lucas Vazquez do ta vazhdojë karrierën në Gjermani, pasi është transferuar te skuadra e Bayer Levrkusenit.
Ekipi nga Bundesliga, të martën, e ka prezantuar spanjollin, të cilin e ka transferuar si futbollist të lirë.
34-vjeçari me Leverkusenin ka firmosur kontratë deri në vitin 2027 dhe te skuadra e re, do ta bartë fanellën me numrin 21.
Vazquez për 10 sezone luajti për Real Madridin, duke fituar gjithçka që mund të fitohet në nivel klubesh kurse karrierë ka bërë edhe te Espanyoli.
Gjithashtu, Vazquez ka regjistruar edhe 6 paraqitje me Kombëtaren e Spanjës.
