Granit Xhaka sipas të gjitha gjasave do të jetë pjesë e Bayer Leverkusenit edhe për sezonin e ardhshëm.
Te skuadra gjermane e shohin Xhakën si lojtar tejet të rëndësishëm, gjë që është konfirmuar edhe nga drejtori sportiv i Leverkusenit, Simon Rolfes.
Javët e fundit është folur shumë për një transferim eventual të Xhakës te skuadra e Milanit, por tek Leverkuseni insistojnë se nuk ka pasur negociata për një lëvizje të tillë.
Rolfes ka insistuar se nuk ka pasur negociata me Milanin dhe ka bërë të ditur se edhe Xhaka e ka parasysh se është dhe mbetet lojtar i rëndësishëm për Leverkusenin.
32-vjeçari ka kontratë me Leverkusenin deri në vitin 2028, ndërsa Milani ishte i gatshëm të paguante 10 milionë euro për kartonin e tij kurse Xhakës ti ofronte kontratë trevjeçare me pagë totale prej 12 milionë eurosh.
