Këto letërnjoftime të lëshuara nga Ministria e Punëve të Brendshme e Serbisë, nuk po njihen në pikat kufitare. Kjo pasi të njëjtat, janë të lëshuara ilegalisht për serbet që jetojnë në komuna të ndryshme të Kosovës.
E këtë e vërtetoi edhe kryetari i nismës civile “Mbijetesa e Serbisë”, Aleksandar Arsenijeviq në njërën nga pikat kufitare në mes Kosovës dhe Maqedonisë së Veriut.
“Ne kemi ardhur të shikojmë nëse marrëveshja ndërmjet Beogradit dhe Prishtinës është e vlefshme dhe nëse ajo respektohet. Ne dëshmuam se edhe pas marrëveshjes për dokumente personale, letërnjoftimet të lëshuara nga MBP-ja e Serbisë për qytetet që ndodhen në territorin e Republikës së Kosovës nuk njihen”, tha ai.
Në anën tjetër, që nga orët e para të mesnatës nuk ka qenë e qartë nëse këto dokumente personale do të jenë të vlefshme edhe për këtë marrëveshje.
Me qenë se të njëjtat dallojnë për qytetarët që jetojnë brenda territorit të Serbisë.
E këto po i sheh shumë shqetësuese edhe njohësi i sigurisë, Bedri Elezi.
Televizioni ka kërkuar përgjigje edhe nga Ministria e Punëve të Brendshme për këtë cështje, mirëpo të njëjtit nuk kanë dhënë detaje.
Kosova dhe Serbia, i njohi n letërnjoftimet e njëra tjetrës, por aty nuk figurojnë edhe letërnjoftimet që lëshohen vetëm për serbët e Kosovës të cilët dallojnë nga dokumentet që u lëshohen serbëve në Serbi.
Kronika e gazetares Fetije Kamberi.
