Pas dekadash të tëra në qendër të vëmendjes për lidhjet e tij me gra të famshme, aktori i njohur Leonardo DiCaprio duket se është gati të nisë një kapitull të ri në jetën e tij personale.
Mediat ndërkombëtare raportojnë se ai po planifikon të fejohet me modelen italiane Vittoria Ceretti.
DiCaprio, 50 vjeç, është në një lidhje me Ceretti, 27 vjeç, që nga gushti i vitit 2023.
Marrëdhënia e tyre është bërë gjithnjë e më serioze gjatë muajve të fundit dhe burime pranë aktorit thonë se një fejesë është në horizont.
Aktori duket se është i gatshëm të ndërrojë stilin e jetesës që ka ndjekur deri më tani dhe të krijojë një familje.
Gjatë viteve, DiCaprio është lidhur me emra të njohur të botës së modës dhe showbiz-it, përfshirë Gisele Bündchen, Bar Refaeli, Camila Morrone, si dhe është përfolur për romanca me Blake Lively dhe Rihanna.
Megjithatë, asnjë prej këtyre marrëdhënieve nuk ka përfunduar në një angazhim afatgjatë.
Ky zhvillim shënon një ndryshim të rëndësishëm në jetën sentimentale të aktorit dhe për herë të parë ai shihet më pranë një angazhimi zyrtar, duke e larguar veten nga imazhi i beqarit të përjetshëm të Hollywood
