Pjepri është nga frutat më të pasura me ushqyes të dobishëm për shëndetin e njeriut.
Ai është i pasur me shumë vitamina, minerale dhe fibër.
90% e përmbajtjes së pjeprit është ujë, gjë që e bën këtë frut ideal për hidratim.
Përpos të tjerave, pjepri ndihmon në shkrirjen e depozitave dhjamore, humbjen e kilogramëve të tepërt, pastrimin e organeve dhe frenimin e nepsit.
Si të përdorni lëngun e pjeprit për të humbur kilogramët e tepërt
Një sasi prej 100 gramë pjepër ofron 25 kalori, 6% sheqerna dhe 13% gramë karbohidrate komplekse.
Ndër të tjera, pjepri është shumë i pasur me antioksidantë dhe nuk përmban yndyrna apo kolesterol.
Lëngu i pjeprit rekomandohet të përdoret edhe për uljen e tensionit të lartë dhe për mbrojtjen e zemrës sepse është shumë i pasur ma kalium.
Nga ana tjetër, vitamina C dhe magnezi janë dy përbërës të rëndësishëm që mbrojnë imunitetin.
Të gjitha substancat e lartpërmendura e bëjnë më të lehtë pastrimin e trupit nga toksinat dhe rrjedhimisht përshpejtojnë metabolizmin.
Një metabolizëm i shpejtë pengon formimin e depozitave dhjamore dhe shkrin ato ekzistuese.
Kësisoj, njeriu e ka shumë më të lehtë për të humbur në peshë.
Lëngu i pjeprit për një gjumë të mirë
Lëngu i pjeprit është një burim domethënës i mineraleve siç është magnezi, që na ndihmojnë të flemë.
Për shumë vite me rradhë, lëngu i pjeprit është përdorur kundër pagjumësisë.
Ai shuan etjen, hidraton qelizat dhe na vë në gjumë.
Dehidratimi është një nga faktorët që prishin gjumin, thonë ekspertët.
Si të përgatisni lëngun e pjeprit
Për rënien nga pesha ky lëng rekomandohet të pihet 30-40 minuta përpara mëngjesit.
Për përgatitjen e lëngut ju nevojiten:
2 filxhanë me copa pjepri,
1 lugë çaji me lëng limoni,
1 lugë çaji me mjaltë
1 filxhan çaji me kubikë akulli
Gjysëm filxhan çaji me ujë
Përgatitja:
Hidheni pjeprin në një mikser dhe më pas shtoni mjaltin, lëngun e limonit, akullin dhe ujin.
Përziejini për disa sekonda deri sa lëngu të jetë i njëtrajtshëm.
Për rënien nga pesha pijeni atë përpara mëngjesit, drekës dhe darkës,
Për gjumë të qetë, këtë lëng mund ta pini disa orë përpara gjumit.
Kjo pije përmban më pak se 150 kalori./AgroWeb.org
