Tre persona janë lënduar nga një shpërthim që dyshohet se ka ardhur nga një bombol gazi në një lokal në Podujevë.
Zëdhënësja e Policisë së Kosovës për rajonin e Prishtinës, Flora Ahmeti tha se ngjarja ka ndodhur rreth orës 08:30.
Ajo tha se të lënduarit janë dërguar në emergjencën e qytetit, ndërsa njësitet policore janë në vendin e ngjarjes dhe po hetojnë rastin.
“Sot rreth orës 08:30, në një lokal në rrugën ‘4 Dëshmorët’ në Podujevë, ka ndodhur një shpërthim. Zyrtarët policorë janë angazhuar menjëherë në vendin e ngjarjes. Duke u bazuar në informacionet e para, dyshohet se shpërthimi ka ardhur nga një bombol gazi, ku tre persona kanë pësuar lëndime. Të lënduarit janë dërguar për trajtim mjekësor në Emergjencën e qytetit. Policia është në vendngjarje dhe po merret me hetimin dhe sqarimin e rrethanave të këtij rasti”, theksoi ajo për teve1.info
