Kapiteni Amir Rrahmani do të jetë mungesa e madhe e Kosovës për ndeshjet e muajit të ardhshëm në kuadër të kualifikimeve për Botërorin 2026.
Rrahmani është lënduar në stërvitjen e fundit te Napoli dhe do të mungojë në derbin ndaj Milanit, ndeshje në të cilën ishte projektuar titullar.
Shkaku i lëndimit, Rrahmani do ti mungojë Napolit në tri ndeshje, ndaj Milanit, Sporting Lisbonës dhe Genoas kurse te Kosova do të mungojë për duelet me Slloveninë e Suedinë për kualifikimet për Kupën e Botës 2026.
Në fakt, Rrahmani në fillim të këtij muaji u lëndua në humbjen e Kosovës 4:0 nga Zvicra dhe Napolit i mungoi në përballjet kundër Fiorentinës, Manchester Cityt e Pisas.
Ai ishte rikuperuar javën e shkuar nga lëndimi dhe pritej të kthehej në fushë në duelin ndaj Milanit, që luhet në mbrëmje.
