Një grua ka pësuar lëndime të rënda trupore të mërkurën në vendin e saj të punës në Viti.
Sipas raportit të Policisë së Kosovës, rasti ka ndodhur më 10 shtator 2026, rreth orës 07:35.
Viktima, shtetase kosovare, është dërguar në Qendrën Klinike Universitare të Kosovës (QKUK) për trajtim mjekësor.
Policia ka njoftuar se, lidhur me rastin, janë arrestuar dy persona, të cilët janë dërguar në mbajtje.
“Viktima femër kosovare është dërguar në QKUK për tretman mjekësor, pasi që e njëjta, derisa ka qenë në vendin e punës, ka pësuar lëndime të rënda trupore. Lidhur me rastin janë arrestuar dhe dërguar në mbajtje dy të dyshuar meshkuj kosovarë”, thuhet në raportin e Policisë së Kosovës.
Rasti është iniciuar si “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.
