Policia e Kosovës, ka bërë të ditur se gjatë protestave të sotme në komunat veriore, një zyrtar policor ka pësuar lëndime si pasojë e mjeteve të forta që janë përdorur.
Policia thotë se protesta në fillim ishte e qetë, por në orët e pasdites në intervale të ndryshme kohore disa persona të dyshuar kanë hedhur gurë në drejtim të tri automjeteve të Policisë së Kosovës.
“Po ashtu gjatë protestës së realizuar sot, disa media/gazetarë janë penguar e sulmuar, si dhe automjetet e tyre ishin vandalizuar nga individ/grupe kriminale. Pengimi i gazetarëve në detyrë cenon të drejtën e shprehjes, informimit dhe lirinë e shtypit”, thuhet në komunikatën e PK-së.
Ndërsa, kryetari i Asociacionit të Gazetarëve, Xhemaj Rexha, ka bërë publike momentin kur dy veturat e Policisë së Kosovës sulmohen nga turmat e maskuar në Zveçan.
Sipas Rexhës, pjesa tjetër e serbëve duartrokasin në momentin kur sulmohen dy veturat e policisë. /teve1.info/
Here is the moment two #Kosovo Police cars are attacked by the masked mob in Zvecan. The rest of local Serbs applaud. pic.twitter.com/ZkIUGUQIwX
— Xhemajl Rexha (@xhemajl_rexha) May 31, 2023
