Një person ka mbetur i lënduar në një aksident trafiku që ka ndodhur mes një veture dhe një motoçiklete mbrëmjen e së martës në Gjakovë.
Këtë për tëvë1.info e ka bërë të ditur zëdhënësi i policisë së Kosovës, për rajonin e Gjakovës, Sheremet Elezaj.
Elezaj, ka njoftuar se ngasësi i motoçikletës është dërguar për trajtim mjekësor, ndërsa me vendim të prokurorit të shtetit rasti është duke u trajtuar në procedurë të rregullt.
“Me datë 08.10.2024 rreth ores 22:00 në rrugën “Ali Pash Tepelena” në Gjakovë, ka ndodhur një aksident trafiku mes një veture dhe një motoçiklete. Përveç dëmeve materiale, një person (ngasësi i motoçikletës) ka pësuar lëndime trupore dhe është dërguar për trajtim mjekësor. Me vendim të prokurori të shtetit rasti është duke u trajtuar në procedurë të rregullt”, thuhet në përgjigje.
Elezaj nuk ka konfirmuar se zëvendësministri i Zhvillimit Rajonal, Ali Tafarshiku ka qenë i përfshirë në këtë aksident, siç u raportua në disa media. /teve1.info/