Pasi u konfirmua në ekip për sezonin aktual, Adnan Januzaj ka pësuar një lëndim në ndeshjen hapëse të sezonit dhe do të mungojë për disa javë.
Januzaj u aktivizua në 20-të minutat e fundit të ndeshjes ndaj Athletic Bilbaos, të cilën Sevilla e humbi me shifrat 3:2 dhe bindi trajnerin Matias Almeyda për ta mbajtur në ekip.
Megjithatë, Januzaj nuk do të jetë i disponueshëm për lojë deri në muajin e ardhshëm për shkak të lëndimit që e pësoi ndaj Bilbaos.
Januzaj pati paraqitje të mirë, por ka dëmtuar muskulin e kofshës së djathtë, kanë konstatuar ekzaminimet e bëra të mërkurën.
Në fakt, Januzaj pritet të jetë i gatshëm për lojë pas ndeshjeve të Kombëtareve kurse Sevillas do ti mungojë për dy ndeshjet e ardhshme, me Getafen në shtëpi dhe Gironan në udhëtim.
