Tre persona kanë pësuar lëndime trupore, pasi që ngasësi i automjetit ka humbur kontrollin dhe ka shkaktuar aksident mbrëmë në rrugën Prishtinë – Ferizaj.
Lajmin për teve1.info ka bërë të ditur zëdhënësja e Policisë së Kosovës, Flora Ahmeti, e cila tha se si pasojë e aksidentit janë shkaktuar edhe dëme materiale në tri lokale.
Ahmeti, bëri të ditur se me këtë rast po merren njësitet relevante të trafikut.
“Sot rreth orës 03:30 kemi pranuar informatën se në rrugën Prishtinë -Ferizaj, ka ndodhur një aksident trafiku. Në këtë aksident ka qenë i përfshirë një automjet, ngasësi i së cilës ka humbur kontrollin mbi automjetin dhe ka dalë nga rruga. Si pasojë e aksidentit lëndime trupore kanë pësuar 3 persona si dhe janë shkaktuar dëme materiale në tri lokale”,tha ajo./teve1.info/
