Ai në Facebook tha se të gjithë po qëndronin krenar, të palëkundur dhe të bindur që do të arrijnë ta ngrisin në piedestal pastërtinë e luftës tonë për liri e shtet.
“Sot nga ora 9:00 deri në ora 16:00 kisha nderin dhe privilegjin e veçantë të takoja për orë të tëra miqtë e mi z. Hashim Thaqi, z. Kadri Veseli, z. Rexhep Selimi, z. Jakup Krasniqi, z. Hysni Gucatin, z. Nasim Haradinaj dhe z. Pjetër Shala. Një emocion i veçantë për mua të takoj sot në rrethana krejtësisht të palogjikshme, njerëzit të cilët janë e kaluara e lavdishme, e tashmja shtetndërtuese dhe e ardhmja historike e Kosovës. Të gjithë pa përjashtim po qëndronin krenarë dhe të palëkundur ngase kjo është vetëm një sfidë e radhës ndër dhjetra të tjera, në këto tri dekada sfide sa do e padrejtë, por të bindur që do të arrijnë ta ngrisin në piedestal pastërtinë e luftës tonë për liri e shtet. Ndër shumë momente sot që më bënë krenar ishte edhe takimi i shkurtër me Komandat Calin”, tha ai.
Tutje ai tha se është krenar që ka qenë bashkëpunëtor i tyre në periudhat të cilat ai i cilësoi si më të rëndësishme për liri e pavarësi.
“Sot më shumë se kurrë jam krenar që isha bashkëpuntor i juaji në periudhat më të rëndësishme të popullit tonë për liri e pavarësi. Ne besojmë në lirinë tuaj dhe ju jam përjetësisht falënderues për kontributin e dhënë në të gjitha etapat, e mbi të gjitha në këto momente që po mbroni luftën e drejtë të popullit tonë”, shkroi tutje ai./teve1.info./
