Lekaj u është drejtuar LVV-së që të lejnë anash krenarinë e inatet politike dhe të përkrahin iniciativën për Trust, shkruan Teve1.info
“Me sinqeritet po ju them, që lëreni krenarinë anash, lëreni anash ndjenjën e fituesit apo lëreni anash edhe inatet politike që kjo iniciativë nuk është ide apo plan i qeverisë në pushtet. E rëndësishme është që kjo ide është e duhur dhe iu ndihmon shumë qytetarëve në jetën e tyre. Besoni që qytetarët është mirë të iu kthejmë shpresën, është e nevojshme të ndalim trendin e ikjes, ku çdo i dyti qytetarë po tenton të ikë nga Kosova”, tha ai.
Sipas tij, shumica e deputetëve në pushtet e kanë kuptuar rëndësinë e Trustit, por për X arsyeje nuk e përkrahin me votë.
“T’i bëjmë krenarë ata që na votuan me votën e tyre e që ne kemi në Kuvend si përfaqësues të tyre, e në këtë moment më të mirin mund ta bëjmë nëse u lejojmë atyre të tërheqin 30% të vlerës së trustit. Edi që edhe brenda shumicës në Kuvend, kolegëve që udhëheqin me qeverinë e kanë kuptuar rëndësinë dhe vlerën se çfarë do të thotë tërheqja e 30% të trustit por për X arsyeje nuk e përkrahin me votë por besoni se janë disa gjëra që dalin mbi politiken dhe interesat partiake të secilës parti. Pa dallime politike ju lutem dhe ju bëjë thirrje që të përkrahni edhe ju si pozitë këtë projektligj”, ka thënë Lekaj. /teve1.info/
