Këto deklarata ai i bëri të mërkurën kur pritet të hidhet në votim Projektligji për tërheqjen e një pjese të mjeteve të Trustit.
Përmes një postimi në Facebook, Lekaj tha se kjo për shkak se çdo ditë merr me qindra thirrje telefonike për këtë çështje.
“Çështja e Trustit është jetike për qytetarët dhe këtë po e them për shkak se në ditë marr me qindra thirrje telefonike për këtë çështje. Gjendja është e rëndë në terren, kryeministër, qytetarët kanë nevojë për ndihmë e jo për retorikat tuaja boshe!”, shkroi ai.
Ndryshe, sot në Kuvendin e Kosovës pritet të hidhet në votim Projektligji për tërheqjen e një pjese të mjeteve të Trustit.
Kjo me iniciativë të Partisë Demokratike të Kosovës, të mbështetur nga partitë e tjera opozitare.
Por Lëvizja Vetëvendosje përgjithësisht vazhdon ta ruajë qëndrimin që nuk do të votojnë për një tërheqje të Trustit.
Seanca e Kuvendit fillon në ora 10:00. E nëse votohet projektligji atëherë kalon në parim për të ardhur sërish në Kuvend./teve1.info/
