Xavi Simons është bërë transferimi më i shtrenjtë në historinë e ekipit nga Bundesliga, Leipzig.
Klubi gjerman ka njoftuar të enjten se ka shfrytëzuar opsionin e blerjes së Xavit, të cilin e ka bërë transferim të përhershëm pas huazimit nga Paris Saint-Germaini.
Në total, blerja e kartonit të Xavit do t’i kushtoj Leipzigut 80 milionë euro, përfshirë këtu edhe të gjitha bonuset.
Xavi ishte i huazuar te Leipzigu prej vitit 2023 kurse këtë sezon në 17 paraqitje ka shënuar 5 gola dhe 4 asistime.
Holandezi 21-vjeçar me ekipin gjerman, tani ka kontratë deri në verën e vitit 2027.
