Skuadra e Leipzigut është në bisedime me Brightonin për ta zgjatur qëndrimin e Brajan Grudës edhe për sezonin e ardhshëm.
Gruda në fillim të këtij viti u huazua për gjashtë muaj te Leipzigu, por ekipi gjerman dëshiron ta mbajë edhe përgjatë sezonit 2026/27.
Leipzigu po synon sërish huazimin njëvjeçar të Grudës, si dhe ta ketë opsionin e blerjes së detyrueshme të mesfushorit verën e ardhshme.
Gruda pati paraqitje të mira te Leipzigu sezonin e fundit dhe thuhet se te Brightoni janë të hapur që 22-vjeçar të vazhdojë karrierën në Bundesligë.
Në 13 ndeshje kampionale për Leipzigun, Gruda pati 3 gola e 3 asistime kurse me skuadrën e Brightonit ka kontratë deri në vitin 2028.
Ai iu bashkua Brightonit nga Mainzi në vitin 2024 për 30 milionë euro dëmshpërblim.
