Përmes njoftimit, SHKK ka treguar se janë hequr kufizimet sa i përket numrit të vizitorëve për vizitat familjare, teksa secili vizitor duhet që paraprakisht të dëshmojë certifikatën e vaksinimit.
“Gjatë kohës së vizitës, vizitorët duhet të mbajnë maskat mbrojtëse; Secili vizitor para se të hyj në institucionin korrektues, duhet te dëshmojnë certifikatën për vaksinim me dy doza, në rast të mos vaksinimit, vizitorët duke përfshirë edhe personat nga mosha 12 deri në 16 vjeç duhet të posedojnë testin RT-PCR negativ për COVID -19, jo me të vjetër se 48 orë”, thuhet ndër tjerash në njoftim.
Tutje, SHKK ka njoftuar se tashmë lejohet shfrytëzimi i benificioneve për kalimin e vikendit në shtëpi.
“Lejohet shfrytëzimi i benificioneve për të dënuar(vikend në shtëpi), në momentin e kthimit në Institucion, i dënuari i cili nuk i ka marr dy dozat e vaksinimit duhet të dëshmoj testin për COVID 19, në rast se testi rezulton pozitiv i njëjti duhet të karantinohet në institucionin korrektues për një periudhë prej 7 ditësh”, njofton tutje Shërbimi Korrektues./teve1.info/
