Teksa sezoni veror dihet se është shumë i ngarkuar me koncerte për këngëtarët edhe për një artist si Ledri, të tilla aktivitete kanë qenë të shumta.
Por, përpos karrierës si artist edhe jeta personale e tij është shumë e përfolur. Tanimë, partnerja e tij Sara Hoxha është mjaft e njohur dhe një personazh shumë i pëlqyer për publikun në rrjete sociale. Dyshja janë prindër të një vogëlusheje që quhet Poem dhe çifti nuk na i kursen fotot dhe momentet shumë të ëmbla që kalojnë së bashku.
Që prej momentit kur partnerja e tij, Sara është bërë pjesë e spektaklit “Dancing with the Stars” jeta e tyre është e ndarë midis Tiranës dhe Prishtinës. Për shkak të angazhimeve që edhe Ledri ka, çifti dhe vajza e tyre, Poem duhet të qëndrojnë për pak kohë larg njëri tjetrit. Vetëm pak më parë Ledri ka postuar një foto duke folur në telefon me vajzën e tij dhe na e shkriu zemrën.
Të premten e natës së parë të spektaklit, të cilën të gjithë po e prisnin me padurim ajo që u vu re nga të gjithë ishte mungesa e Ledrit në studio për të suportuar partneren e tij të zemrës. Me anë të disa Instastory gjatë premierës reperi na ka treguar se e ka ndjekur kërcimin e Sarës nga shtëpia me vajzën e tyre Poem. Së fundmi me anë të një Instastory Sara ka shpjeguar arsyen se pse Ledri nuk e ndoqi premierën nga studio.
