Xhensila Myrtezaj dhe Ledri Vula kanë publikuar këngën e tyre më të re, “Let pe lun”, që pritet të bëhet një tjetër hit i padiskutueshëm i kësaj vere.
Ky është bashkëpunimi i dytë mes tyre, pas suksesit të madh të “Ma Kthe”, publikuar rreth dy muaj më parë.
Teksti mban firmën e Ledri Vulës dhe Elinelit, ndërsa kënga është realizuar nga BIGDEAL RECORDS që ka mbuluar si prodhimin muzikor ashtu edhe Mix & Master.
Por përtej muzikës, ajo që ka ndezur rrjetin është kimia mes dy artistëve dhe spekulimet për një raport më shumë se thjesht profesional.
Ledri ka pranuar se me Xhensilën e lidh një “kimi e jashtëzakonshme” dhe shumë të përbashkëta, por është kujdesur të mos japë asnjë deklaratë që do të konfirmonte zërat për një marrëdhënie më intime.
