Skuadra nga Italia, Lecce ka siguruar Arbër Hoxhën por mbetet të shihet nëse do ta siguroj edhe mbijetesën në Serie A.
Mediumet kroate kanë raportuar se Lecce, tashmë ka marrëveshje në parim si me Hoxhën ashtu edhe Dinamon e Zagrebit, të cilin do ta bëjë zyrtare së shpejti.
Thuhet se Lecce është pajtuar të paguajë rreth 2 milionë euro për Hoxhën, i cili ka kontratë me ekipin nga Kroacia deri në verën e vitit 2027.
Hoxha 26-vjeçar, po shihet si përforcim i duhur te skuadra italiane për sulmin, ndërsa këtë sezon ka 3 gola e po aq asistime në 35 ndeshje të luajtura për Dinamon e Zagrebit.
Lecce, aktualisht është në pjesën e poshtme të tabelës në Serie A dhe po lufton për mbijetesë pasi është vetëm dy pikë larg zonës së rënies në Serie B.
Pjesë e Lecces janë edhe Medon Berisha e Ylber Ramadani, të cilët luajnë për Kombëtaren e Shqipërisë sikurse Hoxha që ka regjistruar 13 paraqitje.
