Mbrojtësi i krahut të majtë, Leart Paqarada ka gjasa që karrierën ta vazhdoj në Angli, saktësisht në kategorinë e dytë. Bëhet e ditur se skuadra nga Championshipi, Bristol City ka shprehur interesim për Paqaradën, i cili është pjesë e Kolnit, ekip i rikthyer në Bundesligë.
Në fakt, është trajneri i ri i Bristolit, Gerhard Struber, ai që po e kërkon Paqaradën me të cilin ka punuar te skuadra gjermane.
30-vjeçari është pjesë e Kolnit prej vitit 2023, ndërsa ka luajtur edhe për St. Paulin e Sandhausenin kurse me Kosovën i ka 30 paraqitje dhe 1 gol të shënuar.
Paqarada ka kontratë me Kolnin deri në verën e vitit të ardhshëm, ndërsa kartoni i tij vlerësohet rreth 2 milionë euro.
