Lidhja Demokratike e Kosovës ka mbajtur takim me qytetarë në Gadime të Lipjanit.
Në komunikatën e LDK-së thuhet se qytetarët i kanë dhënë mbështetje kësaj partie dhe kandidatit të saj për kryeministër, Lumir Abdixhiku.
“Entuziazmi juaj dhe mbështetja e jashtëzakonshme që i dhatë LDK-së dhe kandidatit tonë për kryeministër, Lumir Abdixhiku, dëshmoi se bashkimi ynë është vetë fuqia jonë më e madhe. Dhe vetë puna e kryetarit të Komunës, sekretarit të përgjithshëm të LDK-së, Imri Ahmeti ka bërë që kjo mbështetje të mos lëkundet dhe jo vetëm, por të shtohet çdo ditë e më shumë. Sot, anë e kënd vendit, fryma e ndryshimit ndihet më e fortë se kurrë! Prandaj nga Gadimja e gjithandej me krenari dhe përkushtim, jemi ringritur në këmbë për të mbrojtur të ardhmen e brezave që vijnë dhe për të ndërtuar një shtet të dinjitetshëm, të drejtë dhe të barabartë për të gjithë”, thuhet në komunikatën e LDK-së.
