Lidhja Demokratike e Kosovës (LDK) do të zyrtarizoj sot rikandidimin e Përparim Ramës për postin e kryetarit të Komunës së Prishtinës në zgjedhjet e ardhshme lokale.
Zyrtarizimi i kandidaturës do të bëhet në një ceremoni festive që do të mbahet sonte nga ora 20:00, në “Amfiteatrin” te Pishina e Gërmisë.
Në këtë ngjarje pritet të marrë pjesë kryetari i LDK-së, Lumir Abdixhiku, bashkë me përfaqësues të tjerë të lartë të partisë.
LDK ka ftuar të gjitha mediat që të jenë të pranishme dhe ta përcjellin këtë ngjarje, e cila konsiderohet si një hap i rëndësishëm në fushatën për zgjedhjet komunale në kryeqytet.
