Në një konferencë për medie, Mustafa tha se shumica e masave në këtë pako janë të vonshme, të planifikuara mirë dhe sipas tij, aspak efektive.
“Qeveria këtë fundjavë e paraqiti një pako në panik e sipër, pa ndonjë konsultim. Pako që është joefektive dhe diskriminuese. Shumica e masave janë të vonueshme, nuk janë të planifikuara mirë dhe kanë pak ose hiq efekt, njëjtë sikur masat e kaluara të kësaj qeverie”, tha Mustafa.
Mustafa tha se Qeveria e injoroi tërësisht sektorin privat si dhe të papunët.
“Qeveria ka vendosur t’i injoroj tërësisht të punësuarit në sektorin privat dhe vet sektorin privat të cilët janë kontrbutdhënësit më të mëdhenj tatimor dhe vet motori i ekonomisë sonë. Asnjë cent po ashtu nuk u dhanë as të papunëve. Pra ata që nuk kanë asnjë të hyrë, Qeveria vendosi t’i injoroj tërësisht. Kjo pako qartësisht nuk ofron mbështetje për të gjithë qytetarët dhe është diskriminuese. Kjo pako shkakton pabarazi duke u ndarë si atyre që i kanë 300 euro ai atyre 2 mijë euro rrogë. Është e paqartë që një Qeveri që pretendon se është socaildmeokrate nuk qan kokën për barazi sidomos kur ndanë para publike”,tha Mustafa.
Sipas tij, ky veprim është për të ulur pakënaqësitë dhe për të blerë paqen social në vend.
“Për LDK-në ky është veprim në panik i kësaj qeverie, për të ulur pakënaqësinë në rritje, për të bërë paqen sociale, në vend se të jetë një plan i mirë për të zgjidhur këtë krizë”, tha Mustafa.
Mustafa tha se edhe Ligji për investime kapitale është duke ardhur shumë vonë, pasi sipas tij nuk kanë mbetur më shumë se 3 muaj deri në përfundim të këtij viti. Sipas Mustafës, shpenzimet kapitale nuk u realizuan as 10 për qind të projekteve kapitale, të cilat sipas tij do të injektonin qindra miliona euro të hyra në ekonomi, e do të mbanin dhjetëra mijëra vende të punës të hapura.
Mustafa tha se propozimi i LDK-së ka qenë de mbetet reduktimi i akcizës dhe TVSH-së nga nafta të cilat sipas tij do të kishin shumë efekt.
