Pasi të martën sektori publik i mori pagat e tyre me koeficientin e ri, sipas Lidhjes Demokratike të Kosovës, ky është vetëm një mashtrim i radhës nga Qeveria Kurti.
Përmes një postimi në Facebook, LDK ka shkruar se qytetarë të shumtë u kanë dërguar mesazhe për të shprehur frustrimin e tyre lidhur me pagat.
“MASHTRIMI I RADHËS I QEVERISË PËR PAGAT. Qytetarë të shumtë na kanë dërguar mesazhe gjatë ditës për të shprehur frustrimin e tyre lidhur me mashtrimin e Qeverisë për pagat.Në krizën më të madhe ekonomike, me inflacion rekord, Qeveria ka treguar pandjeshmëri ndaj tyre. Zgjidhja është e qartë. Propozimi i LDK-së me koeficientin 125 krijon paga të dinjitetshme”, thuhet në postimin e tyre.
Kujtojmë se të martën, kryetari i SBASHK-ut, Rrahman Jashari, ka konfirmuar se janë ekzekutuar pagat e muajt shkurt për punonjësit në sektorin publik, përfshirë këtu edhe për mësimdhënësit, për herë të parë sipas koeficientit të ri të pagave bazuar në Ligjin e pagave./teve1.info/.
