Sipas të dhënave të përditësuara nga Komisioni Qendror i Zgjedhjeve (KQZ), në Pejë, deri në këtë orë kanë votuar 32 mijë e 433 qytetarë, nga gjithsej 120 mijë e 244 sa janë të regjistruar në listën e votuesve.
Bazuar në rezultatet preliminare, kandidati i LDK-së, Gazmend Muhaxheri, aktualisht kryeson me 62.98 për qind të votave, ndërsa kandidati Taulant Kelmendi ka marrë 37.02 për qind.
Procesi i numërimit të votave po vazhdon, ndërsa Komisioni Qendror i Zgjedhjeve pritet të publikojë rezultatet përfundimtare pas përpunimit të plotë të të gjitha vendvotimeve.
