Lidhja Demokratike e Kosovës, përkujton dhe nderon jetën e veprën e Ekrem Rexhës – komandant Drinit, në 26 vjetorin e vrasjes së tij.
Sipas njoftimit të LDK-së, para 26 vitesh, pak muaj pas çlirimit të Kosovës për të cilën luftoi tërë jetën, Ekrem Rexha, i njohur si komandant Drini u vra pranë shtëpisë së tij.
“Kontributi i tij në radhët e UÇK-së gjatë luftës dhe në ndërtimin e paqes pas luftës, mbetet udhërrëfyes për gjeneratat e ardhme të Kosovës. Komandant Drini mbetet figurë e nderuar në historinë e përpjekjeve të popullit tonë për liri e pavarësi. Nderimi më i madh për Drinin do të jetë kur përgjegjësit e vrasjes së tij të dalin para drejtësisë.I përhershëm kujtimi për Komandant Drinin!”, thuhet në njoftimin e LDK-së./teve1.info/
