Lidhja Demokratike e Kosovës pritet të mbajë sot një mbledhje të rëndësishme të kryesisë së saj.
Në këtë takim, do të zyrtarizohen emrat e kandidatëve të LDK-së për kryetarë komunash, në kuadër të përgatitjeve për zgjedhjet lokale që do të mbahen më 12 tetor 2025.
Zyrtarë të partisë kanë bërë të ditur se procesi i përzgjedhjes së kandidatëve është zhvilluar përmes konsultimeve me degët komunale dhe strukturat drejtuese të LDK-së.
Mbledhja pritet të shërbejë edhe për diskutime rreth strategjisë zgjedhore dhe mobilizimit të strukturave për garën lokale.
