Përmes një konference për media Deputeti i Lidhjes Demokratike të Kosovës, Armend Zemaj, e akuzoi Qeverinë Kurti për dëmtimin e sektorit të shëndetësisë, shkruan teve1.info
Ai tha se Kryeministri Kurti është i pari që duhet të shkarkojë vetën nga pozita e drejtuesit të shëndetësisë pasi që sipas tij rasti i foshnjës në Pejë është rasti më tragjik i mundshëm.
“Duhet të shkarkohen e të dënohen menjëherë të gjithë ata që janë përgjegjës për këtë krim të supozuar, përfshirë ata që e kanë fshehur këtë ngjarje të tmerrshme e të pa precidentë. Kryeministri Kurti është i pari që duhet të shkarkojë vetën nga pozita e drejtuesit të shëndetësisë sepse rasti i foshnjës në Pejë është rasti më tragjik i mundshëm. Kryeministër pas këtij dështimi të faktuar së paku mundohu të emërosh një ministër të shëndetësisë tjetër sa më parë”, tha ai.
Tutje LDK këtë rast e ka cilësuar si krim të rëndë duke thënë se është tentuar të fshihet nga pushteti për tetë ditë më radhë.
“Krijimi i komunitetit ekzekutiv ka qenë për të mbuluar dështimet, 3 muaj pas ndodh skandali apo super skandali me këtë krim me tendencë për të fshehur dhe përgjegjës është kryesuesi i Komitetit Ekzekutiv në këtë rast zotëri Kurti si i vetë emëruar si Ministër i Shëndetësisë apo i vetëvendosur që ta drejtojë sektorin e shëndetësisë edhe pa ministër të emëruar politik”, ka thënë ai.
“Dorëheqja morale e atyre të cilët nuk janë në vijë të përgjegjësisë së drejtpërdrejtë por tendenca për ta fshehur krimin i bënë përgjegjës dhe i bënë bashkëpjesëmarrës në këtë krim të rëndë për qytetarët e Republikës së Kosovës, për pacientët, për sektorin e shëndetësisë, për etikën e tyre profesionale dhe për të gjithë neve”, ka shtuar Zemaj tutje./teve1.info
