Duke ju referuar këtij sondazhi, Anëtari i Kryesisë së Lidhjes Demokratike të Kosovës, Xhafer Tahiri për Tëvë1 ka thënë se LDK do të vazhdojë të dëgjojë zërin e qytetarëve të Kosovës.
Ish- kryetari i Komunës së Vushtrrisë deklaroi se kjo rritje i jep përgjegjësi edhe më shumë LDK-së për të bërë më të mirën dhe për të dhënë zgjidhje për problemet e përditshme të qytetarëve të Republikës së Kosovës.
“LDK do të vazhdoj të dëgjoj zërin e qytetarëve të Kosovës. Në këtë mënyrë duke dëgjuar, po i përfshijmë kërkesat e qytetarëve në programin qeverisës. Ne jemi të lumtur ta shohim këtë rritje të përkrahjes qytetare, por kjo na jep edhe më shumë përgjegjësi për të bërë më mirë, për të qenë më afër qytetarëve dhe për të dhënë zgjidhje për problemet e çdo ditshme të tyre”, tha Tahiri.
Përndryshe në sondazhin e UBO Consulting, Lëvizja Vetëvendosje ka vazhduar rënien. LDK-ja dhe PDK-ja kanë ndërruar vendet. AAK-ja qëndron në vendin e njëjtë, ndërsa Lista Guxo nuk pritet të votohet më shumë se 1.5 për qind./Teve1.info/
