Shefi i grupit parlamentar të LDK-së, Arben Gashi, në mbledhjen e Kryesisë ka kërkuar që të mbahet një seancën e jashtëzakonshme gjatë javës.
Gashi ka bërë të ditur se me kërkesë të deputetes Hikmete Bajrami, kërkesa është përkrahur nga 39 deputetë.
Gashi tha se seanca ka të bëjë në lidhje me tenderët një-burimor të cilët siç tha ai, i ka dhënë qeveria Kurti.
“Sipas asaj që rezulton deri më tani është thyerje e çdo rekordi të mundshëm. Tenderët njëburimor nënkupton dhënien e kryerjes së punëve publike, apo tenderëve publikë duke mos bërë shpallje publike por duke ftuar individualisht tre kompani dhe duke vendos mbi bazën e preferencës së Institucionit tenderues. Është shkelje e jashtëzakonshme dhe një burim I madh I korrupsionit”, tha Gashi.
Sipas tij, kjo çështje duhet të diskutohet në Kuvend. Ai po ashtu bëri me dije se kanë propozuar edhe rezolutë lidhur me tenderët një burimor.
