Bislimi në Twitter ka shkruar se Berge ka mirëpritur iniciativën e Kosovës për t’u anëtarësuar në Këshillin e Evropës.
Ndërsa, Berge e ka demantuar duke thënë se Bislimi nuk ka bërë përshkrimin e drejtë të takimit që kishin pasur të mërkurën për aplikimin e mundshëm të Kosovës për pranim në Këshillin e Evropës.
E për këtë, zëdhënsja e LDK-së, Sibel Halimi, thotë se kjo e dëmton Kosovën pikërisht “në kohën kur po tentohet që vendi të anëtarësohet në këtë organizatë”.
“Ajo çfarë ndodhi sot me ç’rast zëvendëssekretari i Përgjithshëm i Këshillit të Evropës, Bjorn Berge, e demantoi at që zëvendëskryeministri Bislimi e shkroi në Twiter, e sidomos pasi Kosova po tenton të anëtarësohet në Këshillin e Evropës. Ky është një skandal diplomatik dhe i kushton rëndë vendin tonë, dhe e dëmton rëndë në arenën ndërkombëtare”, ka thënë Halimi.
