Sipas LDK-së, Bordi i ZRRE-së është i paaftë dhe joprofesional, shkruan teve1.info
“Kriza energjetike duket se do të thellohet në vjeshtë dhe dimër të vitit 2022/23 dhe ky bord është dëshmuar si i paaftë, joprofesional për çfarë LDK ka kërkuar me kohë shkarkimin e tij. Ky bord duhet të shkarkohet në mënyrë urgjente, dhe të emërohet një bord që ka aftësinë dhe pavarësinë për të menaxhuar krizën që mund të rikthehet”, thuhet në njoftimin e LDK-së.
Mocioni i propozuar nga LDK-ja për shkarkimin e Bordit të ZRRE-së nuk ka kaluar dje në Kuvend. Për shkarkimin e bordit ishin 22 vota , ndërsa 53 deputetë votuan kundër shkarkimit.
Përveç LDK-së, shkarkimin e këtij Bordi e përkrahën edhe PDK e AAK, kurse grupi më i madh parlamentar, LVV, ishte kundër. /Teve1.info/
