Në një konferencë për media, Mjekiqi – Sadiku tha se ky raport është shqetësues për LDK-në, shkruan teve1.info
“Ky raport nis me shqetësime kryesore të cilat ne si Lidhje Demokratike e Kosovës i kemi paraqitur para jush dhe para publik tash e një kohë të gjatë. Kufizimet e lirisë së shprehjes ndaj medias, përfshirë edhe dhunë e kërcënime ndaj gazetarëve, korrupsion serioz e mosndëshkime, e në rastet kur Qeveria ka marrë veprime për të sanksionuar këtë të fundit, veprimet në masë të madhe kanë qenë të kufizuara dhe jokonsistente”, tha ajo.
Tutje, Mjekiqi – Sadiku theksoi se LDK-ja kërkon që Qeveria e Kosovës ta marrë seriozisht këtë raport dhe jo ta injorojë atë.
“Po të vazhdojë kjo praktikë e shkeljes së ligjit ose moszbatimit të tij, raportet e ardhshme jo vetëm ai i DASH-it, do të jenë edhe më shqetësuese”, shtoi nënkryetarja e LDK-së. /Teve1.info/
