Përmes një njoftimi nga LDK-ja kanë ftuar institucionet e sigurisë që të kryejnë të gjitha hetimet e nevojshme për rastin.
“Lidhja Demokratike e Kosovës e dënon ashpër plagosjen e dy të rinjve në Shtërpcë. Ftojmë institucionet e sigurisë që të kryejnë të gjitha hetimet e nevojshme për rastin, të sjellin para drejtësisë autorin apo autorët e këtij akti; si dhe të angazhohen që raste të tilla të mos përsëriten më”, thuhet në njoftim.
Po ashtu, LDK-ja ka bërë thirrje qytetarëve të Kosovës që të ruajnë qetësinë e t’iu japin kohë organeve të rendit për të zbardhur rastin.
“Ju bëjmë thirrje të gjithë qytetarëve të Kosovës, që të ruajnë qetësinë dhe të japin kohën e nevojshme organeve të rendit për të zbardhur rastin dhe për të informuar opinionin publikë mbi këtë ngjarje. Të plagosurve u urojmë shërim të shpejtë!”, thuhet në tej në njoftimin e kësaj partie. /Teve1.info/
