Lidhja Demokratike e Kosovës ka dalë me një komunikatë me rastin e Ditës Ndërkombëtare të të Zhdukurve.
LDK ka shkruar se është e rëndësishme që të ngritet vetëdija shoqërore për gjendjen e rëndë dhe dhimbjet e mëdha të të pagjeturve dhe familjeve të tyre.
“Fatkeqësisht Kosova i ka plagët e hapura; gati një çerekshekull që nga përfundimi i luftës, 1617 personave të zhdukur nuk dihet gjë për fatin e tyre. Dhimbja e vuajtjet e familjarëve sa shtohen dhe më shumë e bëhen më të rënda”, thuhet në komunikatë.
Kjo parti thotë se çdo ditë duhet të jetë ditë reflektimi e shumëfishim i përpjekjeve tona për zgjidhjen e fatit të të zhdukurve.
