Lidhja Demokratike e Kosovës i ka reaguar Asociacionit të Gazetarëve të Kosovës, duke vlerësuar se asaj nuk i takon të përdorë referenca që i përkasin debatit politik.
Në sqarimin e saj LDK ka thënë se deklarata e kryetarit të partisë, Lumir Abdixhiku, nuk ishte ndaj medieve e gazetarëve që kryejnë punë në mënyrë profesionale, por ndaj fenomeneve.
“Është e papritur që një organizatë profesionale si AGK të përdorë gjuhë dhe referenca që i përkasin debatit politik, përfshirë edhe përqindjet elektorale. AGK nuk është subjekt politik dhe nuk i takon të bëjë vlerësime të tilla. Po ashtu, është e rëndësishme të theksohet se kritika jonë nuk ka qenë ndaj medias si institucion dhe as ndaj gazetarëve profesionistë që kryejnë punën e tyre me integritet çdo ditë. Reagimi ynë ishte, është dhe do të mbetet ndaj fenomeneve të dëmshme brenda medias që devijojnë nga standardet profesionale dhe dëmtojnë besimin publik duke nxitur shpifjen”, thuhet ndër të tjera në reagimin e LDK-së.
AGK dënon gjuhën e Lumir Abdixhikut ndaj mediave: E papranueshme dhe e rrezikshme
