Lazio bie edhe në transfertë ndaj holandezëve të AZ Alkmaar. Bardhekaltërit u mposhtën me të njëjtat shifra 2-1. Elseid Hysaj nuk ishte i grumbulluar në këtë sfidë për shkak të një problemi në kyçin e këmbës.
Në ndeshjet e tjera, Nice nuk e vendosi në dyshim biletën për në çerekfinale teksa mposhti me rezultatin 3-1 Sheriff Tiraspol. Francezët kishin fituar 1-0 edhe ndeshjen e parë.
Nga ana tjetër, West Ham ishte i pamëshirshëm në sfidën ndaj AEK Larnacas me anglezët që triumfuan me shifrat 4-0. West Ham kishte fituar edhe ndeshjen e parë me rezultatin 2-0.
Surprizë ishte eliminimi i Villarreal nga Anderlecht. Spanjollët u mposhtën në shtëpi me shifrat 0-1 ndërsa në Belgjikë sfida kishte përfunduar në barazim 1-1.
